Како до успешно интраорално скенирање и прецизен дигитален отпечаток

Во ерата на дигиталната стоматологија, интраоралните скенери направија тотална трансформација на протоколите за работа во праксата и начините на дијагноза, план на терапија и комуникација со пациентите и заботехничките лаборатории. Бенефитите од интраоралните скенери се многукратно испитувани и докажани. Сепак, имплементирањето на оваа технологија бара соодветен тренинг и едукација со цел практичарот да се здобие со неопходните вештини за правилна употреба и искористување на целиот потенцијал на скенерот. Во ова предавање ќе се фокусираме на начините како да дојдеме до успешен дигитален отпечаток, како да ги менаџираме меките ткива и течностите за време на скенирањето, како правилно да го регистрираме загризот и кои алатки да ги употребиме при скенирањето кога немаме зачувана висина. Исто така ќе дискутираме како прецизно да ги скенираме тешко достапните места како контактни точки и апроксимални површини. Воедно ќе прикажеме и неколку клинички случаи изработени потполно со дигитален пристап.