Употреба на педалите во интерпретацијата на пијано од проф. д-р Милица Шкариќ

Во предавањето „Употреба на педалите во интерпретацијата на пијано“ од проф. д-р Милица Шкариќ се опфатени историјатот на пијаното со развојот на неговите педали, нивната употреба и дозирање кај различните композитори и стилови. Прикажани се примери со употреба на прстен педал кај Ј. С. Бах, дозирање на десен и лев педал кај Хајдн, Моцарт, Бетовен, Шопен, Лист и трет педал кај Дебиси. Споделени се сознанија стекнати кај легендарниот руски пијанист Евгениј Корољов, во чија класа студираше проф. д-р Милица Шкариќ на Факултетот за музичка уметност во Хамбург.
Проф. д-р Милица Шкариќ го одржа предавањето во ДМБУЦ „Илија Николовски-Луј“, на Музичката Академија во Штип и во средното музичко училиште во Битола како циклус од три предавања во текот на февруари, март и април 2023.