Епаминонда Поп Андонов во документите на АСНОМ

Епаминонда Поп Андонов член на Иницијативниот одбор за свикување на АСНОМ и учесник на Првото заседание на АСНОМ. Во Президиумот на АСНОМ е избран за прв повереник за просвета, подоцна ја извршувал функцијата и секретар на Президиумот на АСНОМ до 1945 год. Основно и средно образование завршил во Струмица и Скопје. Дипломирал во 1922 година на Филозофскиот факултет во Белград. Бил професор по филозофија, психологија и француски јазик во повеќе училишта на Кралството СХС/Југославија (Бања Лука, Сараево, Врање и Скопје). Член е на КПЈ од 1944 година. Трудот ги обработува документите на АСНОМ каде е претставена активноста на Поп Андонов во подготовките за свикување на првото заседание на АСНОМ како и донесените одлуки како повереник за просвета при Президиумот.
Клучни зборови: Македонија, АСНОМ, Президиум, поверенство за просвета