ДЛУМ Годишна изложба 2022

Друштвото на ликовните уметници на Македонија на 18 октомври 2022год. во Националната галерија (Мала станица) ја отвори „Годишната изложба“.
„Несомнено е дека годишните или ревијалните изложби на македонските ликовни уметници отсекогаш претставуваат голем културен настан во нашата средина. Затоа тие изложби се значајна состојка од летописот на нашата ликовна уметност. Еден аргумент е непобитен: дека нема македонски ликовен уметник кој не учествувал на тие ревијални изложби, почнувајќи од првата таква изложба во далечната 1945 година па сѐ до денес.
На Годишната изложба во 2022 год. учествуваа 55 автори, членови на ДЛУМ, во категориите сликарство, скулптура, графика и нови медиуми. Јас како автор на оваа изложба се претставив со скулпторското дело „Конкретна цел“, изработено во метал со димензии: 86x43x13,5cm.