Антиоксидантен потенцијал на црвени вина

Полифенолите се важни соединенија кои се одговорни за бојата, вкусот, стабилноста и целокупниот квалитет на грозјето и виното. Овие соединенија поседуваат антиоксидантни, антибикробни и антиканцерогени својства. Во оваа истражување е проучуван антиоксидантниот потенцијал на црвени вина од сортите Вранец, Мерло и Каберне Совињон, добиени во различни години на производство. Антиоксидантната активност беше определена со примена на DPPH метод. Во овој метод се користи 2,2-дифенил-1-пикрилхидразил радикал (DPPH), кои има максимална апсорбанца на 515 nm. Беше конструирана калибрациона крива со стандарден раствор од Тролокс, растворен во метанол, во концентрационен опсег од 0,19 до 0,93 mM. Беше утвдрдено дека антиоксидантната активност на анализираните вина се движи во граници од 10 до 18 mmol/L еквиваленти на Тролокс, со што се потврдува дека македонските вина имаат висок антиоксидантен потенцијал, кој има корисни придобивки за здравјето на луѓето.