Научната фантастика во македонската книжевност за деца и млади

И покрај настојувањето да се изведе една дефиниција за поимот „научна фантастика“, сепак општоприфатено е мисле¬ње¬то дека овој термин се спротивставува на лесната и поедно¬ставена дефиниција. Ова е интересен факт, бидејќи повеќето луѓе имаат чувство за тоа што е научна фантастика. Секоја книжарница има дел посветен на НФ: полици со книги главно во светли бои, со корици илустрирани со футуристички слики на сложени вселенски бродови, слики на мажи и жени во футуристички градови или бизарни вонземски пејзажи. Пове¬ќе¬то од овие романи се наративи кои елаборираат некоја имагинативна или фантастична премиса, можеби вклучување на претпоставено идно општество, средби со суштества од друг свет, патување меѓу планети или во времето...