Копаничарот од Брусник

Новинарски текст за уметничката дејност на аматер уметник Александар Чавдаровски, копаничар од село Брусник, битолско. Чавдаровски е единствениот уметник кој 35 години негува повеќе техники: сликање во масло, бакрорез и резба - коначичарство. Пред повеќе од десетина години активно се занимава со копаничарство. Тој е единствен копаничар кој твори во селска средина и со мотиви од селскиот живот на луѓето. Александар е народен уметник кој изработува и разни копаничарски дела - икони, делови за иконостаси и др. Од почетокот, од 1993 година е член на претседателството на Здружението на копаничарите на Македонија. Активен е учесник на копаничарската колонија во манастирот Св. Јован Бигорски. Учествува во повеќе групни изложби, а негови дела има и во Австалија, САД, Канада, Швајцарија, Шведска и други држави.