Анорексија нервоза кај адолесценти- Психопатологија и терапија

Anorexia nervosa претставува нарушување во исхраната кое се карактеризира со прекумерно губење на телесната тежина, настанато како резултат на намерно изгладнување. Во основата на нејзината психопатологија се преценети идеи за перфектна физичка појава, кои имаат когнитивна природа. Токму ова е силна индикација за спроведување на когнитивно-бихејвиорална терапија (КБТ).
Целта на ова истражување е да се истакне значењето на напреднатата КБТ и импактот на трансдијагностичкиот принцип на третман, кои овозможуваат стратешки промени во oднесувањето и модифицирање на размислувањето. Истражувањето е работено според ПРИЗМА МОДЕЛ, со селекција на систематски прегледи и пребарување преку клучни поими од научна и
веродостојна литература.
Од обработените податоци може да се дојде до сознание дека преминотод период на пубертет, адолесценција, кон период на зрелост, е исполнет со низа предизвици и потешкотии.
Темелот на проблематиката е опседнатоста со сопствениот изглед, изложеноста на удар од критики од авторитативни личности за младите, а во екстремни случаи и растројства како анксиозност или опсесивно-компулсивно пореметување. Во однос на третманот, утврден е компатибилен состав на
психотерапија со прецизно дефинирани фази на спроведување на КБТ, а од големо значење е и семејната поддршка.

Клучни зборови: anorexia, адолесценција, перфекционизам, психопатологија, когнитивно бихејвиорална терапија.