Мал формат 2021

Изложбата „Мал формат“ беше во организадија на ДЛУМ, а се реализираше во изложбениот салон на КИЦ-Скопје.
Малиот формат како творечки предизвик претставува честа дневна практика на ликовните уметници. Магијата на „малиот квадрат“ во површина 25х25 см претставува искушение и за најголемите мајстори на визуелната уметност. Чувството на внатрешниот порив да го совлада малиот квадрат, на концизен, лапидарен, понекогаш метафоричен и езоповски начин да го транспонираат собитието и мотивот од големите форми во помалата мерка.
На изложбата „Мал формат“ се претставив со моето скулпторско дело под наслов „Кон далечината 2“, при што ми беше доделена наградата „Адем Кастрати“ од страна на КИЦ-Скопје.