„Бели ноќи“ Мајданарт 2020

Во годината во која одбележува две децении успешна работа, Здружението за уметност, култура и туризам „Мајданарт“ од Мајданпек, Р.Србија, ја организираше Првата меѓународна интернет изложба „Бели ноќи“. На конкурсот реализиран од 01 март до 30 април, за време пандемијата предизвикана од вирусот корона, се пријавија 417 уметници од бројни земји во светот, од кои меѓународната комисија за избор избра дела од 345 уметници од 42 земји. Јас на оваа изложба учествував со моето дело „Морфолошка модификација“, со димензии 76x28x36cm., изработено во метал.