„Констелации во уметничкиот универзум“-самостојна изложба

„Констелации во уметничкиот универзум“ е моја самостојна изложба на која во изложбениот салон на НУ Центар за култура „Ацо Шопов“-Штип, претставив десет скулптурални дела изработени во комбинирана техника.
Кинетичноста, динамизмот кај скулптуралните објекти од оваа поставка има не само формална, ами и идејно-суштинска смисла. Тој динамизам, својствен како примарна тенденција е средство преку кое се градат овие аксиолошки вертикали. Без постамент, овие форми никнуваат од земјата, устремувајќи се кон небото, со што тие вредносни тенденции некако стануваат онтолошки и метафизички фундирани.