„Портрет“, „Пајак“, „Притаено очекување“, „Првото будење“

Седмиот Фестивал на Франкофонијата во Созопол траеше од 03 до 08 јуни 2017 година, со културна програма од Франција, Белгија, Швајцарија, Романија, Грузија, Либан, Мароко, Македонија и Бугарија.
Културно-информативниот Центар на Р.Македонија кој трета година по ред е партнер и редовен гостин на овој Фестивал, понуди три културни содржини. На првиот фестивалски ден најпрво беше отворена изложбата „Поврзување”, на која со преку педесетина дела, работени во различни ликовни техники, се претставија уметниците: Иво Пецов, Марјан Ѕин, Маријана Иванова, Ице Огненовски-Мерко, Зоран Мише, Слободан Милошески, Горан Тричковски, Иван Стоименов, Павел Целкоски и Перица Георгиев-Пепси.Во вториот дел од програмата беше отворена и ликовната изложба „Охридски филиграни” од авторката Мирјана Николоска. Двете изложби предизвикаа голем интерес кај публиката. На 6 јуни,успешен соло-рецитал имаше пијанистката Мимоза Ќекана.
Моето учество во изложбата „Поврзување“ беше со четири скулптури изработени во дрво:
1.„Портрет“ - димензии:25x8x7cm.
2.„Пајак“ - димензии: 10x12x8cm.
3„Притаено очекување“ - димензии:33x8x7cm.
4.„Првото будење“ - димензии:33x8x7cm.