Методика на откривање на прекуграничниот криминал на државната граница на Р. Македонија со Р. Бугарија во периодот од 2005 до 2011 година

Во Република Македонија постојат повеќе истражувања на криминалот, во коишто истиот, во зависност од мотивите и целта на издржувањето, е поимно определен на повеќе начини, со јасна видова и типолошка поделба. Под оваа капа, како тип на криминал, свое место наоѓа и прекуграничниот криминал, за којшто слободно може да се каже дека е сè уште недоволно истражуван во сите негови сегменти, поаѓајќи од неговите појавни облици, обем, интензитет и завршувајќи со методите на негово откривање и специфичностите во криминалистичката тактика и техника во борбата против него.
Поаѓајќи од ова, со разработката на темата на овој труд, ќе се направи обид за утврдување на обемот, интензитетот и појавните облици на прекуграничен криминал на државната граница на Република Македонија со Република Бугарија во периодот од 2005 година до 2011 година, како и методите на негово откривање со примена на современите криминалистичко-тактички стандарди во работата и современите криминалистичко-технички средства и опрема.
Клучни зборови: прекуграничен криминал, гранична полиција, граничен премин, државна граница, гранична линија