Семинар за изворни народни инструменти и песни Прилеп 2015

Семинарот за изворни народни инструменти и песни се одржа во рамките на Фестивалот за народни инструменти и песни „Пеце Атанасовски“ - Долнени (Прилеп) во периодот од 31 јуни до 3 јули 2015 год. На третиот семинар имаше инструменталисти од република Србија и Македонија а по изворно народно пеење имаше семинаристи од Републиак Србија и од Русија. Семинаристите имаа можност да се запознаат со вештините на свирење на народни инструменти а покрај практичната настава се одржуваа и теоретски предавања поврзани по народните музички инструменти. Предавањата по изворни народни инструменти ги водеше доц. м-р Горанчо Ангелов а народното изворно пеење проф. д-р Родна Величковкса и проф. д-р Илчо Јованов. На крајот од семинарот семинаристите по изворни народни инструменти го исполнија воведниот музички мотив со кој отпочува фестивалот „Пеце Атанасовски“, мотив базиран на песната „Отидов село Долнени“ продолжувајќи со едно гајдарско оро „Одено оро“ исполнети на повеќе гајди. Семинаристите по изворно народно пеење исполнија неколку руски традиицонални напеви а вториот ден од фестивалот се претставија со песна две песни обработени на семинарот: „Младо виде“ и „Седело Ѓуре дос“ придружени на тамбура од доц. м-р Горанчо Ангелов а изведбите наидоа на големи овации публиката.