Локални финансии – успешно управување, одговорност и известување

Еден од клучните елементи за реформата на локалната самоуправа, според Владата на Република Македонија, е градењето капацитети во општините. Зајакнувањето на капацитетите на локалните власти за да може ефективно и транспаретно да ги спроведуваат пренесените надлежности претставува добра основа за промовирање на локалниот економски развој и ќе ги насочи државните и меѓународните средства кон националните приоритети и локалните интереси. Токму затоа инвестирањето во соодветен систем на управување со локалниот буџет и човечки ресурси е од најголем приоритет како за локалната така и за централната власт.