Табу, време на страв и страдање, прогонувањето на Македонците во Бугарија во време на комунизмот (1944 -1989)од Стојко Стојков: рецензии-прикази

Во изминатата 2014 година, во издание на Друштвото на репресираните Македонци во Бугарија од Сандански, излезе
книгата „Табу, време на страв и страдање, прогонувањето на Македонците во Бугарија во време на комунизмот (1944–1989)“ на авторот Стојко Стојков. Истата, беше промовирана на 12 декември 2014 година во Штип на Факултетот за образовни науки при Универзитет „Гоце Делчев“. Промотори на книгата беа академиците Иван Катарџиев и Ѓорѓи Поп Атанасов. Авторот ја посветува книгата на сите загинати, затворани, иселувани и проследувани во Бугарија заради своето македонско национално чувство и љубовта за обединета Македонија, без правна заштита и без право на збор, само затоа што пееле македонски песни или играле македонски ора, посебно посветувајќи ја на татко си Иван Стојков Петров, прогонуван заради својата национална припадност и мајка му Стефанка Благоева Петрова.