Од Букурешт до Букурешт: поделбата на Македонија и грчката политика во 20-от и почетокот на 21-от век

Во основа трудот прави ретроспектива на состојбите во делот на Македонија под Грција, од поделбата на Македонија со Букурешкиот мировен договор, па се до грчкото вето на самитот на НАТО во Букурешт. Притоа во трудот се синтетизирани историската фактографија, со теориите на национализмот и современите политички теории. Прашањата на историскиот контекст може да се разгледуваат низ комплексниот историски, но и антрополошки пристап, додека ексклузивитетот на Македонското прашање во делот на Македонија под Грција денес се поврзува за идејата за човековите права, пресликана низ дискурзивниот однос кон спорот за името.