Анета Јанакиева Томчова, прва жена лекар во Струмица

Трудот ја прикажува богатата животната сторија на д-р Анета Јанакиева Томчова (1900-1989) од Струмица. Ангажирана од Кралството СХС за општински лекар во Струмица, ќе биде првата жена- лекар во Струмица, на која и било потребно многу труд да ја изгради довербата меѓу населението. Посебно внимание се дава на нејзината ангажираност во борбата против маларијата како тежок здравствен проблем во овие предели. Освен во Струмица раководела со маларичните станици во Дојран, Валандово и Радовиш. Во време на Втората светска војна ги лекувала болните и ранетите во партизанската болница во с. Велјуса. По војната во Стумица го формирала и детскиот диспанзер.