Концерт на пијано дуото Ана Гацева и Татјана Џорлева во Штип

Во среда (12 ноември) во концертната сала на Музичката академија во Штип концерт ќе одржат еминентните пијанистки Татјана Џорлева, професор по пијано на Музичката академија во Штип и Ана Гацева, професор по пијано на Факултетот за музичка уметност во Скопје. Тие ќе настапат како четирирачно дуо, а на концертот ќе бидат композиции од Антонин Дворжак - „Словенски танци“ оп. 46 и од Жорж Бизе - суитата „Детски игри“ оп. 22. Овој концерт е дел од нивната концертна турнеја во повеќе градови низ државата, а завршниот концерт ќе се одржи на 24 ноември во концертната сала на Факултетот за музичка уметност во Скопје.