Теренско истражување за време Пеливански натпревари во село Шутово, Кичевско

Пеливанските натпревари во Кичевското село Шутово се издвојуваа по бројот на пеливани кој што беше огромен а борбите траеја мошне долго. Музичката придружба ја сочинуваа три зурлаџиски состави (тајфи). Двете зурлаџиски тајфи беа од Кичево а едната од Тетово. Зурлаџиските тајфи од Кичево беа составени од по две зурли и два тапани а тајфата од Тетово беше составена од две зурли и три тапани. Пеливанските борби беа организирани по повод сунетисување на две деца од муслимнаска вероисповест. Самиот настан беше проследен од многубројни посетители кои уживаа во долготрајните и исцрпни борби помеѓу борачите-пеливани кои се натпреваруваа во неколку категории одредени според возраста и тежината на пеливаните. Имаше пеливани од Македонија, Бугарија, Албанија и Турција.