Улогата на „па“ како адверсативен дискурсен маркер

Апстракт: Оваа статија претставува анализа на употребата на па како адверсативен дискурсен маркер. Анализата е направенa врз корпус на говорни чинови на несогласување собрани за време на состаноци, помалку или повеќе неформални, при што растојанието помеѓу учесниците е мало. Дополнително беше спроведен прашалник меѓу 30 испитаници со цел да се испита нивната интуиција во врска со употребата на па. Анализата на па е направена според Теоријата на релевантност (Sperber & Wilson, 1986) и концептите за контекстуално и процедурално значење. Дискурсните маркери се разгледуваат како концепти кои имаат процедурално значење, т.е. содржат информации за толкување на пораката.
Клучни зборови: дискурсни маркери, говорни чинови, Теорија на релевантност, контекстуално значење, процедурално значење.