Комуникациските компетенции потребни на менаџерот во образованието

За да се навлезе во структурата на посебните квалитети кои треба да ги поседува еден способен лидер, водач и менаџер, пред се потребно е да се претстави основната структура на личноста: знаења, способности, темперамент, карактер, волја, интереси, ставови. Добар менаџер мора да има технички способности, образовно искуство, јак карактер, иновативност, креативност и разбирање на ризиците во работењето. Всушност, еден човек за да биде успешен менаџер треба да поседува карактеристики на организираност, прецизност, доследност, строгост, влијателност, храброст, разумност, совесност, скромност, стабилност. Современите услови за работа од менаџерите бараат многу знаења и вештини, како и голема мотивација за доживотно учење. Менаџментот е целнонасочен кон постигнување на резултати. Успехот во менаџирањето е развивање на капацитет за да се разбере природата на резултатите и постигањата и тие да се поврзат во соодветни системи на вредности. Успешниот менаџер е добар комуникатор. Во таа смисла трудот е насочен кон комуникациските компетенции потребни на менаџерот во образовните институции.