Bacterial Fire Blight Diseases in Macedonia

Бактериската пламеница на јаболчестите овошки што ја предизвикува Erwinia amylovora (Burill 1882) Winslow et al. 1920 е најстара, најзначајна и една од најопасните болести на овие растенија. Првпат е забележана кон крајот на 18 век во САД. Се претпоставува дека во почетокот бактеријата била присутна само на дивата популација растенија во тоа подрачје, како што се дива јаболка, глог и слично, а подоцна бактериите се пренесени од дивата помалку осетлива популација растенија на поосетливи одгледувани домаќини.