Основни поими во транслатологијата, кус осврт кон толкувањето како дејност

Во трудов со наслов Основни поими во транслатологијата, осврт кон толкувањето како дејност станува збор за основните поими кои што се поврзани со транслатологија, односно со науката за преведувањето и толкувањето. Овде е даден вовед во основните видови транслација, при тоа повеќе место му се отстапува за толкувањето како една дисциплина, која е со навистина долга историја, ако ја набљудуваме како дејност, но истовремено со мошне кратка историја, ако ја набљудуваме како наука. Се наведуваат главните разлики меѓу видовите транслации, а подетален осврт се прави на симултаното и консекутивното толкување, кои во денешниот модерен свет на глобализацијата, на сѐ поголемите трговски размени и политичка соработка меѓу државите, во време кога туризмот се развива сѐ повеќе и повеќе, ја зголемуваат и својата улога и своето значење.