Предлози и размислувања за нова територијална организација на локалната самоуправа во Република Македонија

Актуелните состојби произлезени од најновата територијална организација на локалната самоуправа во Република Македонија повеќе од месец дена се предмет на опсервација, референдумски изјаснувања и други форми на демократско изразување. Мојата определба изнесена преку овој текст, ценам дека ќе биде во прилог на конечното оформување и донесување на Законот за локална самоуправа и територијална организација во Република Македонија. Ова што го презентирам мислам дека ќе биде доволен повод за поширок граѓански, политички, а можеби и научно-експертски диспут.