Техники на минирање во специјални услови

Оваа книга е издадена како монографија со цел да се синтетизира еден материјал кој ретко се среќава во стручната литература. Книгата опфаќа материја која е наменета за дипломираните рударски инженери, со веќе стекнати знаења од областа на минирањето, за студентите на втор циклус на студии и за експертите за минирање кои се занимаваат со оваа специфична дејност од областа на минирање - како што се рушењето на згради, високи објекти како и мостови и изработка на канали, тунели и други објекти.