„Италија-генијалност и стил: италијанската мода и кулинарство меѓу традиција, креативност и иновација“ - настан по повод Неделата на италијанскиот јазик

По повод Неделата на италијанскиот јазик во светот, Филолошкиот факултет при Универзитетот „Гоце Делчев“ – Штип го организираше настанот „Италија – генијалност и стил: италијанската мода и кулинарство меѓу традиција, креативност и иновација“.

Во рамките на настанот, вонр. проф. д-р Сања Ристески од Технолошко-техничкиот факултет при УГД одржа предавање на тема „Made in Italy – The Art of Thinking Differently“ („Made in Italy – уметноста на поинаквото размислување“).

Предавањето ја истражи суштината на италијанската мода преку поврзаноста на културното наследство, креативноста и иновациите. Акцентот беше ставен на идејата и смелоста за поинакво размислување како двигатели на модниот дизајн, кои создаваат препознатливост и трајна вредност.

Настанот се одржа на 27 октомври 2026 година во Тренинг-центарот на УГД, во присуство на Н.Е. амбасадорот на Италија, Паоло Палминтери, претставници на Амбасадата, студенти и наставен кадар.