Улогата на медицинската сестра во подобрување на адхеренцата кон терапија и модификација на ризик фактори кај пациенти со акутен коронарен синдром по коронарна интервенција

Резиме: Акутниот коронарен синдром (АКС) претставува водечка причина за морбидитет и морталитет на глобално ниво, а перкутаната коронарна интервенција значително го подобрува исходот кај пациентите. Сепак, долгорочниот успех на третманот во голема мера зависи од адхеренцата кон пропишаната терапија и од ефективната модификација на ризик факторите. Во овој контекст, медицинската сестра има клучна улога во континуираната грижа за пациентот.
Цел: Ова истражување е дизајнирано како описно-аналитичка, проспективна студија со цел да се испита улогата на медицинската сестра во подобрување на адхеренцата кон терапија и модификација на ризик фактори кај пациенти со АКС по коронарна интервенција.