Виктимизација како резултат на семејно насилство

Трудот „Виктимизација како резултат на семејно насилство“ ја анализира семејната виктимизација од виктимолошка, криминолошка и правна перспектива, со посебен акцент на жената како најчеста жртва на семејно насилство. Се разгледуваат различните облици на насилство, нивната меѓусебна поврзаност, како и физичките, психолошките, емоционалните и социоекономските последици врз жртвите. Посебно внимание се посветува на циклусот на насилство, трауматското поврзување, научената беспомошност и меѓугенерациското пренесување на насилните обрасци на однесување. Трудот ја разгледува и правната рамка за заштита на жртвите, со осврт на меѓународните стандарди и националното законодавство на Република Македонија, како и на криминолошките карактеристики на оваа појава. Се нагласува потребата од навремена институционална реакција, спречување на секундарната виктимизација и воспоставување ефикасни механизми за превенција и заштита на жртвите.