Електронски Бизнис

Пред вас е учебникот по Електронски бизнис, дисциплина што и по децении постоење не губи од својата практична и научна актуелност. Напротив, со појавата на новите технологии, како што се интернетот на нештата (IoT), блокчејн-технологијата, криптовалутите, а особено големите јазични модели (LLM), електронскиот, т. е. дигиталниот бизнис станува уште поактуелен, а отвора и нови невидени бизнис-можности.

Електронскиот бизнис (е-бизнис) како поим, недвосмислено ни укажува на примена на електронски (и дигитални) технологии во деловното работење. Имено, електронскиот бизнис користи бројни технологии, како што се компјутери, мобилни уреди, сервери, телекомуникациски мрежи, интернет, софтвери, апликации и сл. за постигнување на бизнис-цели. Сите овие технологии именувани и како дигитални технологии, денес се широко распространети не само во бизнис-процесите, туку и во општеството како целина, а и во секојдневното живеење.