Обезбедување на правата на старите лица: Истражување на договорите за доживотна издршка во земјите членки на ЕУ

Членот 25 од Повелбата за фундаментални права на ЕУ ги признава правата и заштитата на старите лица, овој труд има за цел да елаборира дали договорот за доживотна издршка може да се користи како правен инструмент за да се обезбеди ефективно спроведување на член 25.
Во првиот дел, овој труд ќе ги анализира можните учесници/страни во договорот за доживотна издршка vis-a-vis субјектот/ите кои се одговорни за обезбедување на ефективна заштита на правата на старите лица според член 25 од CFREU. Конкретно, написот ќе анализира кој може да биде субјект на договорот vis-à-vis, кој е одговорен за обезбедување на ефективно на правата и заштита на старите лица. Во вториот дел од трудот ќе го анализираме вториот проблем поврзан со потребата од подобрување на правната заштита на старите лица кои се вклучени во овие договори. Недостигот од правно знаење кај овие луѓе често резултира со неправилно разбирање на нивните права и обврски, што може да доведе до непредвидени последици кога станува збор за издршката и имотните прашања. Во многу случаи, постарите лица можеби не се свесни дека имаат право на правна помош или не можат да си дозволат да чекаат судски одлуки поради нивната возраст. Конечно, третиот дел од трудот ќе се занимава со регулирање на договорот за доживотна издршка во земјите членки на ЕУ и како тој е регулиран во правните системи.
Овој труд ќе даде анализа на правната рамка, судските одлуки, за да се види кои субјекти се појавуваат кај овој вид на договори и кои се нивните права и обврски. Компаративниот метод ќе се примени за да се истражи регулирањето на овој договор во земјите-членки на ЕУ и да се утврди дали истиот е доследно регулиран. Главната цел е да се идентификуваат разликите и сличностите меѓу различните правни системи и нивната заштита на правата на старите лица. Во овој труд ќе бидат предложени и препораки за подобрување на уредувањето на овој правен институт.
Клучни зборови: Договори за доживотна издршка, права на стари лица, член 25 CFREU, правна заштита, земји членки на ЕУ, компаративна анализа, правна регулатива.