Модалните глаголи и говорните чинови во германскиот јазик врз примери од романот „Загубената чест на Катарина Блум“ од Хајнрих Бел

Апстракт: Предмет на истражување во овој труд е модалниот глагол müssen и
неговата улога при формирање на говорните чинови – асертивен, директивен, комисивен
и експресивен чин во германскиот јазик. Анализата се заснова на примери од романот
„Die verlorene Ehre der Katarina Blum“ од Хајнрих Бел, спореден со неговиот македонски
превод „Загубената чест на Катарина Блум“ од Емилија Бојковска. Во фокусот е
испитувањето на müssen во различни граматички структури, при што се анализира
неговото деонтичко и епистемичко значење и нивното влијание врз илокуциската сила
на исказите. Ваквиот пристап овозможува подлабоко разбирање на интеракцијата
помеѓу граматиката и прагматиката во германскиот јазик.
Клучни зборови: модален глагол, говорни чинови, илокуциска сила, деонтичко и
епистемичко значење.