Детското престапништво во Северна Македонија (2017– 2024): феноменолошка анализа и импликации на политиките на превенција

Овој труд претставува квантитативна анализа на детското престапништво во
Република Северна Македонија во периодот од 2017 до 2024 година. Истражувањето е
засновано врз официјални статистички податоци за бројот на осудени деца, нивната
полова, старосна, територијална и кривичноправна структура, како и видот на
изречените санкции. Анализата покажува дека детското престапништво е релативно
стабилен феномен, со доминација на имотните кривични дела, делата против јавниот ред
и безбедноста на сообраќајот. Половата структура укажува на изразена застапеност на
машките деца, додека, пак, територијалната распределба открива концентрација на
престапништвото во одредени општини. Казнената политика е доминантно ориентирана
кон примена на воспитни мерки, што е во согласност со меѓународните стандарди за
постапување со деца во судир со законот. Резултатите упатуваат на потреба од јакнење
на локалните превентивни политики, рана интервенција и интегриран институционален
пристап.
Клучни зборови: детско престапништво, квантитативна анализа, деца,
санкции, превентивни политики, Северна Македонија