Лексичка анализа на именките од тематското подрачје мода во италијанскиот јазик врз примери од списанието "Donna moderna"

Апстракт: Предмет на овој труд е лексичка анализа на именките во италијанскиот
јазик преземени од неколку статии од италијанското списание за мода „Donna Moderna“.
За да се премине на специфичната тема, најпрво се обработени основните
поими од научната дисциплина лексикологија. Појавата и развојот на италијанскиот
јазик се прикажани преку структурата од латинската основа, со збогатување со
заемки и формирање нови зборови под влијание на разни социо-економски услови.
Позајмувањето лексеми како тенденција се јавува уште во минатото кога се преземале
зборови од латинскиот јазик, па сè до денешно време кога најголем дел од лексемите се
позајмуваат од современите европски јазици. Тие придонесуваат во проширувањето на
лексиката на јазикот во сите сфери на животот и имаат особено влијание во лексиката
во модата, која е важен дел од италијанското секојдневие.
Теоретскиот опис е критериум за селекција на именките во практичниот дел на
овој труд. Тука се манифестира лингвистичкото и културно влијание на странските
зборови во речникот на современи теми, како што е во овој случај – модата.
Клучни зборови: лексика, именки, италијански јазик, мода, списание, заемки