Туристичко-географски пресек на национални паркови и геопаркови во светот

Бројот на национални паркови и геопаркови во светот постојано се зголемува. Значајна улога во заштита на светското природно и културно наследство има УНЕСКО кој води списоци со цел да обезбеди подобра заштита на важните нематеријални наследства ширум светот. Поаѓајќи од тука, главна цел на трудот е презентација, односно туристичко - географски преглед на сите национални паркови и геопаркови во светот гледано по континенти и држави. Од туристички аспект се изнесени делумни податоци, и тоа само за парковите кои располагаат со податоци за број на посетители - туристи во парковите. Во трудот се изнесени и одделни податоци за парковите во државите на Балканскиот Полуостров. На крајот во заклучокот се препорачува надлежните институции во националните паркови и гео паркови да ја евидентираат туристичката посета. Евиденцијата на посетители генерално ќе влијае врз збогатување на туристичката промоција на парковите.