Инциденца на прееклампсија и улога на медицинската сестра / техничар во згрижување на пациентките

Резиме: Прееклампсијата е сериозна компликација што се јавува во текот на бременоста, најверојатно како последица на одредено нарушување во постелката и претставува сериозна закана за намалување на дотокот на крв од мајката до плодот. Според одредени испитувања, се појавува во 5 – 8% од вкупните бремености. Доколку оваа патолошка состојба навремено не се констатира и започне со лекување, може да претставува сериозна опасност за бремената жена и бебето, оставајќи тешки последици врз црниот дроб, бубрези и други органи, а предвременото породување е најчест завршеток на бременоста.