Атрактивноста на Македонската берза за малите инвеститори

Овој труд ги анализира тековната структура, перформансите и атрактивноста на Македонската берза во контекст на развојот на пазарот на капитал во земјата. Преку индикатори
како пазарна капитализација, индексни поени, стапка на обрт и дивидендни приноси, се оценува растот на берзата, ликвидноста и ризикот на инвестициските вложувања. Анализата покажува дека Македонската берза бележи континуиран развој, со зголемен интерес од инвеститорите, и нуди
повисок потенцијален принос од банкарските депозити, иако со умерен ризик. Дополнително, се прави споредба со регионалните берзи, како и со инвестициските фондови, при што се заклучува дека пазарот има потенцијал за понатамошен раст и значајно влијание врз економскиот развој на
земјата.