Спроведени и приспособени практики за управување со човечките ресурси во малите компании

Малите претпријатија ја знаат важноста на нивните вработени и потребата да се
поддржи нивниот иден развој, како на лично, така и на организациско ниво. Тоа првенствено се
согледува преку регрутирање и селекција на потенцијалниот кадар, учење и развој како една од
фунциите на менаџментот на човечки ресурси, како и мотивација и управување со перформансите
на вработените. Иако малите претпријатија ги спроведуваат и приспособуваат практиките за
управување со човечки ресурси според нивните можности и ограничувања, очигледно е дека
поттикнувањето и зајакнувањето на вработените е вградено во нивната организациска култура.
И менаџерите на малите претпријатија ја знаат важноста на нивните вработени и потребата да го
поддржат нивниот иден развој, на тој начин се намалуваат потешкотиите и времето потребно за
подобрување на организациската работна ефикасност. Затоа може да се констатира дека поради
големина и ограничените ресурси, малите претпријатија се многу зависни од перформансите на
нивните вработени, што ги прави мерките за управување со човечки ресурси клучни за нивниот
опстанок и просперитет, како и создавање на конкурентска предност.