Сметководствената професија во динамично деловно опкружување: Предизвици и можности за адаптација

Современото деловно опкружување се карактеризира со брзи промени, дигитална трансформација и растечка глобална конкуренција, што директно влијае врз улогата и
функционирањето на сметководствената професија. Сметководителите денес не претставуваат само
извршители на административни задачи, туку стратешки партнери во управувањето со организациите.
Овој труд ги анализира клучните предизвици со кои се соочува сметководствената професија во
динамичните пазарни услови – технолошките, етичките, регулаторните и организациските аспекти – и ги истражува можностите за нејзина адаптација кон современите барања. Преку осврт на
трансформацијата на професијата, нагласена е потребата од континуирана едукација, професионален
развој и интеграција на нови технологии како предуслов за нејзина релевантност и конкурентност.
Целта на трудот е да укаже дека иднината на сметководствената професија зависи од нејзината
способност да се прилагодува, да создава доверба и да обезбедува додадена вредност во процесот
на деловно одлучување.