Можности и предизвици за примена на вештачката интелигенција во ревизијата

Вештачката интелигенција (ВИ) (анг. AI, artificial inteligence), постепено навлегува
во сите пори на општественото живеење, олеснувајќи го истото од различни аспекти, и е еден од
најзначајните трендови во 21-от век, отворајќи нови перспективи за иднината на човештвото.
Во ера на брз технолошки развој, ревизорската професија се соочува со значајни трансформации предизвикани од појавата и примената на ВИ. Со зголемената употреба на ВИ и автоматизација во финансиските и ревизорските процеси, се појавуваат нови предизвици за ревизорите, но и нови
можности за зголемување на ефикасноста и откривање на нерегуларности. Примената на вештачката интелигенција овозможува континуирана ревизија, каде податоците се анализираат во реално време.
Овој пристап им овозможува на ревизорите да обезбедат тековно уверување и брзо да реагираат
на новите ризици. ВИ нуди бројни придобивки во ревизијата, вклучувајќи подобрена анализа на
податоци, зголемена точност и зголемена ефикасност. Овие предности им помагаат на ревизорите
да испорачаат подобар увид и вредност за клиентите.
Целта на овoj труд е да се истражи начинот на кој ВИ влијае врз ревизијата – како ја менува, унапредува, но и кои нови можности и предизвици ги наметнува. Со зголемената употреба на вештачка интелигенција и автоматизирани алатки во финансискиот сектор, ревизорската професија
се наоѓа пред трансформација. Трудот ги опфаќа и предизвиците со кои се соочуваат ревизорите сo користење на ВИ, но и потенцијалните придобивки — како што се побрзото откривање на неправилности, подобрена анализа на податоци, и зголемена ефикасност.