Ефикасност и развојни предизвици на пазарите на капитал во помали економии

Ова истражување претставува теоретски осврт на ефикасноста и развојните принципи на пазарите на капитал во помалите економии. Анализирани се неколку клучни аспекти, како што се важноста и предизвиците на пазарите на капитал во помалите економии и препораки за нивен развој. Бидејќи не постои унифицирано правило за да се поттикне развој, потребно е да
се следат економските услови во самата држава и да се имплементираат оние детерминанти кои веќе покажале позитивно влијание. Преку следење на макро-фундаменталните предуслови, а потоа проценување на потребите на домашната економија, компаниите и инвеститорите, како и на сите учесници на пазарот ќе се добие основата за имплементирање на мерки кои ќе дадат резултат во развојот на пазарите на капитал.