Мисија, визија и улога на ЕУ во светот на дипломатијата: дигитална дипломатија

Дипломатијата како најстар облик на општење помеѓу државите и средство на државите за водење на надворешната политика, што ги опфаќа сите активности при спроведувањето на надворешната политика, како и органите кои се задолжени за спроведување на зацртаните активности, од моментот на настанување на интернетот и интернет-револуцијата во изминативе неколку декади до ден денешен постои незапирливо влијание врз сите аспекти од меѓународните односи. Се јави потреба дипломатијата на Европската Унија, како алатка на надворешната политика да се трансформира во согласност со новонастанатите околности. Овој труд го испитува концептот на дигитална дипломатија наспроти традиционалниот концепт, фокусирајќи се на употребата на дигиталните алатки во полето на дипломатијата и како земјите членки на ЕУ ги користат во извршувањето на нивните надворешни политики, затоа што неизбежен факт е дека сајбер-просторот и обезбедувањето на дигиталните алатки овозможува поефективно спроведување на дипломатските стратегии на Европската Унија и нејзините земји членки.