Дијабетична периферна невропатија кај амбулантски пациенти со дијабетес мелитус тип 2

Вовед. Дијабетичната невропатија е една од најчестите хронични компликации на дијабетот со
преваленца од околу 50%. Цел: Да се процени преваленцијата и ризик фактори за развој на дијабетична невропатија (ДН) кај амбулантски пациенти со дијабетес мелитус тип 2 (T2DM) во нашиот центар за дијабетес. Материјали и Методи. Студијата вклучи 58 последователни пациенти со T2DM. Анамнестички податоци, антропометриски мерења, лабораториски параметри од крв, 10г монофиламентен тест и тест за процена на температура (топло/ладно) беа направени кај сите пациенти. Резултати: Средната вредност на анализираните пациентите беше 61.8±9.8 години со индекс на телесна маса (BMI) 28.9±4.9кг/m2. Средното времетраење на T2DM беше 61 месец, додека 79.3% од пациентите примаа инсулинска терапија. Дваесет и двајца пациенти, односно 37.9% се пушачи на цигари. Средните вредности за метаболните параметри беа: HbA1c 8.6±2.5%, гликемија на гладно 9.6±4.0, вкупен холестерол 4.67±1.4 и триглицериди 1.5±0.9ммол/Л.
Дијабетичната невропатија беше присутна кај 20 пациенти, односно 34.5%. Возраста, времетраењето на дијабетот, HbA1c, вкупниот холестерол и BMI статистички значајно позитивно корелираа со позитивниот наод од монофиламентен тест. Мултиваријантната анализи покажаа статистички значаен независен ефект на пушењето цигари, гликемијата на гладно, BMI и возраста на пациетите врз појавата на ДН (p<0.05). Заклучок: Споредено со податоците од литературата, најдовме помала преваленција на ДН (37.9%), но ризик факторите за развој на истата се идентични, како: возраст, времетраење на дијабетес, BMI, гликемиска контрола и
пушење.