Туризам, менаџмент и анимација

Туризмот не е стопанска гранка, а вклучува повеќе стопански дејности
(угостителство, сообраќај, туристички агенции, трговија, занаетчиство, комунални
активности и друго). Не е медицинска гранка, но вклучува доста активности од
медицината (здравствен туризам). Иако не е гранка од културата, опфаќа многу
полиња на културна дејност (културно - историско наследство, културни
манифестации, музика, фолклор и друго). Опфаќа многу спортски активности, иако
не е гранка на спортот (спортска рекреација, спортски манифестации и слично). Не е
политички феномен, но е во повеќекратна меѓусебна зависност со политичката
клима во земјата. Не се смета за природна појава, но е во повеќекратна
меѓузависност со природните појави (клима, хидрографија, фауна, флора и така
натаму). Поаѓајќи од современиот начин на живот и работа во денешната
индустријализирана и урбанизирана цивилизација, кај работниот човек денес сé
повеќе е присутна потребата за промена на местото на живеење и престој во
простори кои се сé уште чисти и незагадени со цел да се обнови физичката и
психичката кондиција на човекот.