Конотативното значење на црната боја кај фразеологизмите во германскиот јазик

Целта на ова истражување е да се истражат конотативните значења на црната боја во германските фразеологизми, со акцент на нејзините симболички значења и асоцијативни врски во различни културни и когнитивни контексти. Очекувањата од ова истражување се дека црната боја во германскиот јазик ќе носи доминантно негативни конотации, како што се асоцијации за смрт, опасност, жалост и песимизам, со оглед на нејзината историска и културна поврзаност во негативна и погрдна конотација. Дополнително, се очекува да се идентификуваат некои неутрални и можеби позитивни значења на оваа боја во фразеологизми како што се поврзаноста со елеганцијата или успехот. Методологијата на истражувањето вклучува собирање на германски фразеологизми со компонентата schwarz, кои потекнуваат од различни извори како што се речници, интернет-платформи и научни трудови. Крајната цел на ова истражување е да се добијат длабоки увиди во тоа како се користат фразеолошките изрази со компонента црна боја за да ги изразат човечката психологија, морал и социјални и културни перцепции.