Изготвување и поднесување на финансиски извештаи кај мали претпријатија во Македонија

Финансиските извештаи кај мали претпријатија се изготвуваат во согласност со законските прописи и претставуваат важен инструмент за транспарентно следење на финансиската состојба на претпријатијата. Финансиските извештаи всушност претставуваат документи кои ја изразуваат финансиската состојба и резултатите од работа на одредено претпријатие во определен временски период. Според Законот за вршење на сметководствени работи во Македонија, малите претпријатија имаат специфични обврски во однос на водењето на сметководствените записи, изготвувањето и поднесувањето на финансиските извештаи до конкретни државни институции. Во рамки на овој труд ќе биде спроведено истражување и спроведена анализа на процесот на изготвување и поднесување на финансиските извештаи од страна на малите деловни субјекти во Македонија. Со примена на дескриптивниот метод и методот на анализа, ќе се спроведе анализа на законските прописи и сите активности кои се неопходни во процесот на изготвување и доставување на финансиските. Целта на истражувањето е да се согледа процесот на изготвување и поднесување на финансиските извештаи до државните институции, како и предизвиците со кои се соочуваат малите претпријатија при реализирање на ова законска обврска.