Стоматолошки материјали 1

Пред повеќе од десет години, во форма на учебно помагало – скрипта, беше издадено првото издание на овој стручен материјал. После оваа временска дистанца, паралелно, следејќи го рапидниот развиток во сферата на стоматолошки материјали, се наметна, во интерес на студентите од Студиската програма за забен техничар протетичар, да се дизајнира учебник, во кој ќе се опфатени дел од конвенционалните но и современите материјали, кои секојдневно ја детерминираат работата на ваквиот тип стручњаци и професионалци.
Ако се земе фактот дека на дневна основа забниот техничар – протетичар се соочува со преку стотина различни материјали, во современите услови дигитализацијата и можностите за 3D печатење, овој учебник всушност ќе им помогне во изучувањето на особините, апликативните перформанси, индикациите и контраиндикациите за употребата и конкретно, создавањето на надоместоци кои се вградуваат или користат во оралната средина на хуманата популација.
Содржините презентирани во учебникот се целосно дизајнирани и напишани за студентите на Студиската програма за забен техничар протетичар, за предметот Стоматолошки материјали 1, кој се слуша и следи во прв семестар. Комплементарни се со предвидената Студиска програма, опфатени се неметалите и современите материјали и практики во заботехничката лабораторија.