Паметен град

Најголем дел од населението во светот денес живее во развиени градски области. Голем дел од светските научни организации, предвидуваат дека до 2030 година ќе се зголеми населението од 3,3 до 5 милијарди луѓе во градските области. За да се обезбедат подобри стандарди на живеење за населението, потребно е да се развијат паметни градови со современа технологија и оперативна ефикасност која ќе го олесни секојдневниот живот на луѓето. Основната цел за имплементација (создавање) на паметен град е да се одржуваат, балансираат и постојано да се надоградуваат економски, социјални, еколошки ресурси и трошоци. Акцентот се става на максимално искористување на природните ресурси, преку заштеда на енергија (користење на обновлива), вода, време, земјиште, квалитет на животната средина, сообраќај и максимална употреба на системите и услугите кои се темелат на информациски и комуникациски технологии за професионално управување и нивно соодветно надоградување. За остварување на оваа таканаречена “инвестиција“ освен горенаведените ресурси, треба да се фокусираме дали нашата држава може да го преземе целиот ризик од ненадејна природна катастрофа, но пред се дали може финансиски да инвестира и да учествува во одржувањето и негово постојано надградување со развојот на технологијата. Со промовирање на ова, нашата држава би имала големи придобивки, во поглед на создавање подобар бизнис сектор на пазарот, поголема конкурентност и максимално подобрување на животниот стандард. Целта на овој труд е создавање на подобра функционалност, паметна поврзаност и организираност на луѓето со максимално искористување на природните ресурси, но пред сѐ да не ја загадуваме околината и да го подобрување здравјето на луѓето.