Услови за уставно, законско и одговорно вршење на власта - правна држава и владеење на правото

Демократијата се заснова врз владеењето на правото и судската независност, a
спроведувањето на законите мора да ѝ служи на потребата за правда и правичност.
Оттука и потребата на систем на правда кој ќе ги штити основните слободи и права и
заедничкиот систем на вредности.
Од друга страна за да постои владеење на правото, сите граѓани треба да имаат
правна сигурност, односно да постојат правни гаранции за заштита на правото во
случај на повреда на истото. Ова значи дека државата мора да води грижа за квалитетот
на законите и за начинот на нивното донесување, а правната држава треба да обезбеди
нивно почитување.
Важно е да се спомене и тоа дека секое спроведување на законите не е во
согласност со потребите на граѓаните, па оттука, потребен е систем на контрола врз
спроведување на правото и законите во државата.