Рефрактивни грешки кај децата од училишна возраст

На глобално ниво, се проценува дека има 36 милиони луѓе кои се слепи, 216,6 милиони со умерено до тешко
оштетување на видот и 188,5 милиони имаат мало оштетување на видот. Една од најчестите причини за
оштетување на видот е некорегираната рефрактивна грешка. Истражувањата покажуваат дека приближно
2,3 милијарди луѓе во светот имаат рефрактивно оштетување, но само 1,8 милијарди луѓе имаат пристап до
офталмолошки преглед и ефективен третман.
Со цел да се анализира застапеноста на рефрактивните грешки кај децата на училишна возраст, во ова
истражување беа формулирани следните истражувачки прашања: Каква е застапеноста на рефрактивните
грешки, кои рефрактивни грешки се најзастапени и дали постои семејна историја кај децата со рефрактивни
грешки?
Рефрактивната грешка е важна причина за оштетување на видот и слепило ширум светот што може да се спречи.
Во моментов, преваленцијата на миопија го привлекува светско внимание бидејќи многу студии известуваат
за драматично зголемување во последните 20 години. Раното откривање и лекување на рефрактивните грешки
е важно за да се спречи трајно оштетување на видот кај децата. Дијагнозата и третманот на овие грешки е
релативно едноставна и е еден од најлесните начини за намалување на оштетениот вид.